Ik heb prednizolon vanne dokter
en ik slik asperientjes bij 't leevm
's nachts op berre dan moet ik mien zetpil
doar hemmn ze weer viefteg van geevm
en ik zet ok gien stap buutn de deur
zunner pas veur de operateur

Ik heb overaal leit aal ien t zieknhuus
mor kwam ok elke keer overend
elke moand moet ik hen veur controle
dat ben ik wel stoaregaan wend
en ze hoaln alle artsen van staal
want ik ben een biezunder gevaal

Ik heb lachtherapie veur mien wangzakkn
ik moet fietsn en loopm veur mien knijn
veur het soepel beweegn van mien vingers
doarveur moet ik goed volln en brein
en ik heukel drie doagn ien e week
met mien pisboodschapkes nor appetheek

Zol 't ooit weer goed kommn
met mij
zal ik gezond weezn
opnij
want ik wol er wel grif veur betoaln
kwam ik of van mien tienduuzend kwoaln

Ik heb darmkrampn en hartkloppns en buukloop
heul mien leevm stoa 'k all stief van de pien
en ik krieg d'r bekant nog de zeenn van
''Komt wel goed'' doar leuf ik niet meer ien
mor ik loat me niet zomor versloagn
zeg es eerlijk: wie heurt mij nou kloagn?

Ik heb stienpuustn onner mien oksels
op mien billn zittn een poar dikke wrattn
en wat wienvlekkn ien diverse groottes
de dikstn dat benn van die zwattn
ien e spiegel ken ik ze bekiekn
sums dan barstn ze met gimmestiekn

Zol 't ooit weer goed kommn
met mij
zal ik gezond weezn
opnij
want ik wol er wel grif veur betoaln
kwam ik of van mien tienduuzend kwoaln

Ik had trouwn wild en kiener en n huuske
ik wol g'woon wat we allemoal willn
mor ik heb het krekt over mien billn had
en mien borstn benn net os mien billn
- ach ik heb t uut mien kop zet, wat hiet
zulfs een blinde matroos wil mij niet

Zol 't ooit weer goed kommn
met mij
zal ik gezond weezn
opnij
want ik wol er wel grif veur betoaln
kwam ik of van mien tienduuzend kwoaln